يا بحر قالـوا عنـك يـا بحـر غـدار

يا بحر قالـوا عنـك يـا بحـر غـدار
وأنا أشوفك يا بحـر تشـرح صـدور

لاضاق صدري او قسى الوقت وإن جار
جيتك وأنا مـن ضيـم الأيـام مغـدور

ما جيت اوصّف لك هواء بنت وأحتـار
واجمل وصف فيها كما طلعـت النـور

يا بحر جيتك أشتكـي قَطعـة الجـار
الجيره اللـي حقهـا صـار مهجـور

قلي مدامك محترف كشـف الأسـرار
أو انت مثلي داخلـك جـرح محفـور

يابحر جرحي ما هـو بوخـز مسمـار
ألا عميـق وعايـش بقلـب مكـسـور

ليه؟ البشر تقطـع بـلا سابـق إنـذار
وليه؟ القطاعـه عندهـم شـي مقـدور

وليه؟ الذي يخطي ويرجع عـن النـار
مـا يعتبـر فالمجتمـع ذنـب مغفـور

وليه؟ الزمن يرضِخ طويليـن الاشبـار
وألا ضعيف النفس في حـال ميسـور

يابحر راسي داخ من قـول وش صـار
أبغي إجابه ترضـي النفـس عالفـور

وابغي جواب الأسئلـه قِـدم الأنظـار
دامي علـى شاطيـك منتـه بمعـذور

والا تجاهلنـي !! وانـا قـول غـدار
واللي يجي يمك !! بـلا شـك مغـدور


بقلم/ غازي الحارثي