منتديات أنغام الاسلامية

منتدى إسلامي ثقافي فني أعضاؤه أحباب في الله ...


    فصل الربيع بعيون الفلاح الفلسطيني.....

    شاطر
    avatar
    انغام
    المدير العام

    المدير العام
    انثى الأردن
    عدد الرسائل : 66
    العمر : 26
    العمل/الترفيه : طالبة ثانوية عامة
    المزاج : سعيدة بحمد الله
    تاريخ التسجيل : 18/02/2009
    نقاط : 46

    هدية فصل الربيع بعيون الفلاح الفلسطيني.....

    مُساهمة من طرف انغام في الخميس أبريل 09, 2009 12:58 pm


    غني يا زهر الدحنون
    وارقص يا خبز الطابون
    طاح الشومر والزعتر
    وودعنا سقعة كانون


    فرحت عنزة جارتنا
    لبست لاخضر قريتنا
    من الخبيزة مونتنا
    والبزيلا ام قرون


    الفلاح اللي مكيِّف
    مع انه الجو مصيِّف
    بدو شهرين ونيِّف
    وهو يوكل بقلة بليمون


    من الصبح بدري يقوم
    يحضَّر لقنابة لكروم ( قنابة : تقليم)
    بحمل ع ظهره القدُّوم
    ويكشكش نتش وطيون ( يكشكش : يزيل )


    بتطربني هالعصافير
    تغرد قبل الشمس تنير
    ع التوتة تهدِّي وتطير
    بلبل قبَّر وحسون


    والا مقيقات الشنار
    في نيسان وفي آذار
    والمداحي بالقنطار ( المداحي : الاعشاش)
    باضت هون وقاقت هون



    ميِّل بزِّر فول اخضر
    وشوف الحنُّون الاصفر
    ولقِّط خُرفيش وزعتر
    لملم واشوي حلزون


    وان عْطِشِت في ميِّة
    ميِّة مُكُر شتويِّة ( مُكُر : حفرة في الصخر تتجمع فيها مياه الأمطار )
    وريحة الميرمية
    اطيب ريحة بكل الكون


    حضر لزراعة الصيف
    خلي تراب الأرض خفيف
    الكوسا والفكُّوس نظيف ( الفقّوس : قثاء يشبه الخيار)
    وشمِّر رجل البنطلون


    شو بدِّي احكي تاحكي
    قريتنا خير وبرَكِة
    الله يديملنا الضحكة
    بارض الزعتر والزيتون
    avatar
    HORIZON
    المراقب العام

    المراقب العام
    انثى الأردن
    عدد الرسائل : 130
    العمر : 26
    المزاج : هااااااااادية
    النشاط :
    تاريخ التسجيل : 20/02/2009
    نقاط : 113

    هدية رد: فصل الربيع بعيون الفلاح الفلسطيني.....

    مُساهمة من طرف HORIZON في الجمعة أبريل 24, 2009 2:50 pm

    بارك الله فيكي

    قصيدة جميلة جدا

    وقريبة للقلب

    وتذكرك بالبلاد

    والله خليتينا نحن يا أنغاااام SMILE

    مشكوووورة بحبك

      الوقت/التاريخ الآن هو الثلاثاء نوفمبر 21, 2017 11:19 pm